قصه جديده حلوووووووه(حبك ماطرى على البال)

مرحبا ياجماعه وهيدي قصه جديده ان شاء الله تعجبكم انا حشوف الرد بالاول وبمل الاجزاء بعدين وعلى فكره ياجماعه الخير ترى انا والله بنت.......

يوم الكبار يتفرقون ويجمع الحب بين قلوب الصغار ويحاربون الظروف والهجر بين أهلهم ويحاولون يردون العلاقات مثل ما كانت يوم القلوب يملاها الحب ويلغون معنى الكره والحقد يوم البنات والأولاد يدفعون ثمن غلط اهلهم ويتعذبون بذنب هم ما ارتكبوه الأيام والسنين قدرت تفرق بين اهل بس لحظات محزنه تجمع العيال
حبـــــــك حبــــيـبي مــــــا طـــــــرى ع الــــــــــــبـــــــال

أهم الشخصيات في القصة ......
عيلة ابوحمدان وام حمدان
حمدان : أكبر اخوانه وحلو ويوم يحب يحب بصدق بس محد يعرف هو بشو يفكر
خليفة: انسان رومانسي وااايد وكان شكله واايد حلو
انجود: الطيبة والحنان والصدق كلها صفات فيها اللي بقلبها على لسانها وانسانة رووووووووعة
عيلة بوسلطان وام سلطان
عذبة: حبوبة وحساسة
سلطان: انسان بسيط جماله متوسط وربشة
عيلة بوسعود وام سعود
سعود: انسان بسيط يحب كل اللي حواليه
عبدالله: ما عليه من حد اللي براسة يسويه ما يهتم باللي يصير حواليه عليه بعمره وبس
عيلة بومحمد وام محمد
سعيد: فيه جمال عجيب وصوته وااايد حلو ورومنسي ويتأثر باللي حواليه بسرعة وافكاره متحررة
محمد: اقل جمال من اخوه ويخفي سر وااايد متعبنه
الريم: طيبة وحبوبة
ليلى : طيبة
عيلة بوخالد وام خالد
خالد: وااااااااااااااااايد حلو ومشاعرة صادقة كان مسؤول عن اخوانه لانه اكبر واحد
ناصر: شقي وحلو وماله بسوالف الحب
حنان: حبوبة واجتماعية واايد
فاطمة: طيبة
أحلام:طيبة
عيلة بوحمدان وبوسلطان كانو جيران والعيال متربين مع بعض وكانو واايد مع بعض
خليفة وسلطان وعبدالله ومنصور وهزاع كانو ربع ، انجود وعذبة ونور ونهلة كانو بعد ربع
منصور وهزاع ونور ونهلة شخصيات بذكرها بس مو وايد لانهم ربعهم ومالهم دور وايد بالقصة بس اقولكم ترى منصور كان اخو نهلة وهزاع اخو نور
الجـــــــــــــــــــــــــــــــــــزء الأول

أم حمدان : السلام عليكم
أم سلطان : وعليكم السلام والرحمة أخيرا فكرتو تزورونا تفضلوا تفضلوا داخل
انجود: خالوه وين عذبة
أم سلطان : في المطبخ
انجود: أنا بروحلها
أم سلطان : روحي يابنيتي تراج تندلين الطريج
سلطان : انجود انجود
انجود: نعم
سلطان : وين رايحة ؟
انجود: رايحة المطبخ عند عذبوه
سلطان: أنت مستواج مب المطبخ انتي المفروض …………..
انجود قاطعته: مايخصك بمستواي خلصني تبي شي
سلطان : هيه … ممكن تاخذين هذي الورقة
انجود: ورقة شسوي فيها
سلطان : الله يخليج خذيها واقريها انا كاتب لج فيها كلام بس ترى كل الكلام من قلبي
انجود : آسفة ما أقدر آخذ شي من أحد ما أعرفه
سلطان : بس أنت تعرفيني أنا سلطان
انجود : وشو يعني سلطان .. ماأظن انك تقربلي شي
سلطان : الله يخليج خذيها
انجود : ليش السالفة غصب
سلطان : لامب غصب برضاج
انجود: اممممم انزين هات الورقة
سلطان : صدق
انجود : هيه صدق
سلطان : خذي
انجود : سلطان اصبر وين رايح أقول وين الزبالة مال بيتكم
سلطان: ليش
انجود قطعت الرسالة : عشان احط فيها اللي بقى من رسالتك
سلطان: أنت……..
انجود : اسمعني مب انجود اللي تقبل انها تاخذ رسايل من اي أحد حتى لو كان ولدعمي أوولد خالي أوخالتي حتى واللي ماترضاه على اختك لاترضاه على بنات الناس ولانسيتا يا استاذ ان نحن في بيتكم واذا أحد شافني قاعدة اتكلم معاك شو بيقول عني على فكرة ترى جوازي مكتوب فيه الديانه مسلمه تدري شويعني هذي الكلمة ولالاء يالله مع السلامة والله يهديك
عذبة : زين سويتي فيه
انجود: انت سمعتيني شو
عذبة: هيه
انجود: والله هذا أخوج يقهر شو محسب عمره عذبوه شوفي اذا سواها مرة ثانية بخبر خليفة اخوي
عذبة: ان شاء الله مابيسويها مرة ثانية تدرين عيبتني الديانة مسلمة والله انج قوية
انجود : حبيبتي اللحين وفهذا الوقت لازم أكون قوية وإلا بسرعة بينقص علي
عذبة: ومنكم نستفيد يالله ندش داخل وايد حر هنيه
انجود : مشينا
* * * * * * * * *
نهلة : ألو السلام عليكم
هزاع: وعليكم السلام والرحمة
نهلة: نورموجودة
هزاع: شو
نهلة : ممكن أكلم نور
هزاع : شو تبين نور أنا موجود
نهلة: لاوالله
هزاع: هيه والله
نهله : عن السخافة وعطني نور
هزاع : والله اتكلم جد كلميني انا
نهله : يعني عادي نور تكلم منصور أخوي
هزاع : هيه
نهله : انزين لحظة شوي ... منصور منصور
هزاع معصب : ايه شو تسوين
نهله : انادي منصور عشان يكلم نور
هزاع : انتي تستهبلين
نهله: لاأحاول بتعطيني نور وإلالا
هزاع : لا
نهلة : ok ( وسكرت التليفون )
هزاع : خيبة
نور : شوفيك
هزاع : ماشي (وقال بصوت واطي ): مالت عليج وعلى ربعج
**وفي المدرسة **
نور: أوه الربع متجمعين السلام عليكم
الكل : وعليكم السلام
عذبة: صدق منو بيودينا باجر السنتر
انجود: انزين أنا بقول حق حمدان يودينا
نهله : حمدان منو
انجود : يعني منو أخوي طبعا المهم عالساعة خمس بمر عليكم أوكي
وعالساعة خمس انجود مرت على ربيعاتها هم متعودين يوم يبون يشترون شي يروحون مع بعض عشان تكون اغراضهم متشابهة وبعد ماوصلوا السنتر
حمدان : انجودأنا بكون في السنتر يوم بتخلصين عطيني مس كول
انجود: أوكي بس أقولك ترى بنتأخر يعني اذا بتروح البيت عقب ترجع لنا
حمدان : لا ما برجع أنا مواعد الربع بعد هنيه
انجود: خلاص يوم بخلص بتصل يالله مع السلامة
حمدان : مع السلامة
انجود : يا الله بنات مشينا
نور: وين بنروح أول
عذبة: خل نروح نشرب شي عقب نشتري
الكل: يالله
* * * * * * * *
عبدالله : منصور قم خل نروح السنتر
منصور: لاأنا تعبان
عبدالله: يا ريال قم في هذا الوقت حلو
منصور :ما أقدر
عبدالله : يا خي أنا خاطري أروح اللحين شوفيك ذلينتا .....أف
منصور: أفا زعلت ما تهون علي بالله نروح
** وفي السنتر**
منصور: عبادي شوف أربع بنات ومحد معاهم
عبدالله: وين
منصور: واقفات عند هذاك المحل
عبدالله : أخاف نروح وننصدم ما تشوفهن لافات ويهن
منصور : توكل على الله يا ريال
عبدالله: أقول لو سمحتي ممكن تتصلين على هذا الرقم ************
منصور: بليييييييييييز
عاد البنات ما يعرفن يسكتن وانقهرن من اسلوبهم بالرمسة ويوم اطالعو صوبهم
عذبة: عبدالله
نهله : منصور
عبد الله: عذبة انتي شو تسوين هنيه أوو وين أهلج
عذبة : ما يخصك انزين وبعدين هذا اللي فالح فيه تصدق غامضيني أهلك حسبالهم انت هنيه عشان تدرس وانته لاهي بالمغازل
عبدالله: لاطولين لسانج ويالله خل أرجعج البيت
عذبة: شو ما سمعت تردني البيت هذا في الأحلام اني اركب معاك آسفة تبي تروح مع مليون سلامة
عبدالله : بتبن معاي وغصب عنج
عذبه: ضحكتني ومنو اللي بغصبني انشاء الله
في هالوقت انجود اتصلت بحمدان عشان ايهم
عبدالله: انتي نسيتي اني ولد عمج
عذبه: وانت نسيت انك ما تقدر تتحكم فيني
عبدالله وصل حده من عذبه وكان ياي بيعطيها كف بس حد مسك ايده
عبدالله: ومنو السيد بعد
حمدان: أظن عيب عليك تمد ايدك على بنات الناس ويالله خلصوني خل أرجعكم البيت
عبدالله: اللحين مب راضيه تركبين مع ولد عمج تركبين مع أخو ربيعتج مابتركبين معاه
عذبه : ومابركب معاك
عبدالله : راوينا شو بتسوين بتمين بالمركز
نهله: وأنت يا منصور ما تبي تقول شي
عذبة: ألو السلام عليكم
سلطان : وعليكم السلام هلا غذبوه وينج انتي
عذبه: أنا في السنتر
سلطان: شو تسوين
عذبة : انت نسيت مو كل شهر أروح مع ربيعاتي عشان نشتري
سلطان: مو مودنكم
عذبة : حمدان
سلطان : انزين شو تبين اللحين
عذبة :اسمع ترى ( وقالت له السالفة)
سلطان : وهذا شو يخصة تركبين مع منو وإلا وين تروحين عطيه التليفون خل أكلمة
عذبة: خذ أخوي يبي يكلمك
عبد الله: ألو
سلطان: انت ما تقولي شو تبي من عذبوه خلها ترجع مع اللي رايحة معاهم
عبدالله: انت شو تقول كيف تسمحولها تركب مع واحد غريب
سلطان: هذا أنت قلت تسمحولها يعني نحن اهلها نسمح لها عبدالله لاطولها وهي قصيرة
عبدالله: اوكي بس موانا اللي بندم يالله باي ..........خذي بس والله بتشوفين
عذبه : قلت لك مافي شي غصب عني ...... يالله نروح
* * في المدرسة * *
عذبة: آسفة خربت عليكم الطلعه
نور : لاعادي انشاءالله بنعوضها
نهله: أقول شو السالفه ليش ما رضيتي تركبين معاه
عذبة : مب مينونه اركب معاه بروحنا وبعدين أنا ما أحبه وهو يدري وسوى هالسالفة كلها عناد فيني يقهر
نور : انجود اخوج ما قال شي عن اللي صار ؟؟؟؟؟
انجود: عذبه مابتزعلين
عذبه: لا ليش
انجود: عصب علي وقال انه مابيوديني مكان مع ربيعاتي لأنه ما يحب المشاكل وقال ان لسانج واايد طويل ولد عمج وجذا سويتي فيه لو كان واحد غريب شو كنتي بتسوين
الكل :ههههههههههههههههههههههههه
عذبة : انا لساني طويل الله يسامحك يا حمدان انجود قولي له اني زعلت عليه والله حرام بس هذا عبدالله ما احبه ولا اطيق اشوف ويهه لا وبعد كان يبي يضربني هذا اللي ناقص
انجود: من اللحين قولي أي كاكاو تبين من حمدان عشان يراضيج
عذبة : لاوالله
نهله: انزين انتي خبرتي اهلج
عذبه : لا بس ناويه اقولهم بس اخاف سلطان يقول لي انسي السالفة والله يسويها واذا قال جي ما اقدر اقول شي
نور: نهلة شو صار عندكم في البيت وشو سويتي مع منصور اخوج
نهله: منصور ماله ويه يجابلني أول ما وصلت البيت دخلت حجرتي عشان ارتاح وشوي ودخل علي وقعد يترجاني عشان ما أخبر اميه وابوي غضني فقلت له خلاص مابخبر حد بس بشرط انه ما بسوي جذا مرة ثانيه
انجود: ؤشو سوى
نهله : قالو للحرامي أحلف قال ياك الفرج
انجود : يعني تدرين انه بيسويها مره ثانية
نهله: ميه بالميه
نور:عيل ليش قلتي انج ما بتخبرين اهلج
نهله : لأني ما خبرهم
عذبه: أف دق الجرس يالله قومو عشان ما نتأخر عن الحصة
* * في الجامعه (الشباب) * *
خليفة: هاشباب بتسون الخطه
عبدالله: ما أدري بس والله اخاف يطردنا من المحاضرة
هزاع: وهذا المطلوب
منصور :نحن مضيعين نص المحاضرات وخلاص ما بقى شي على الإمتحانات
سلطان : اثبتو على راي بقت ساعة علي المحاضرة................... عبد الله تعال ابيك شوي
عبد الله : بغيت شي
سلطان : هيه تعال أمشي شوي
عبد الله: وهذا أنا مشيت نعم
سلطان : انت شفيك معصب أنا اللي لازم اعصب مب انت وإلا نسيت شو مسوي مع عذبه
عبدالله : والله ما توقعت انك تمشي راي بنت علي
سلطان: شوف يا عبد الله أنت صحيح ولد عمي بس هي أختي ولا تتوقع اني امشي راي أي أحد عليها أو أخليها تسوي شي ماتبيه وانت تعرف عذبه زين عنيدة وانت تتوقع اني اذا قلت لها اركبي مع ولد عمج كانت بترضى تسويها وتتصل فبوك او ابوي وانت تدري شكثر الكل يحب عذبه وما يرضون ان احد يزعلها
عبدالله: المهم انت شو تبي مني اللحين
سلطان: انا بس حبيت اخبرك انك ما تقرب من عذبه بأي مكان عام والله عذبه كانت تقدر تسوي أكثر من اللي سوته
عبدالله معصب : أنا ما اخاف من بنيه واللي تقدر عليه خل تسوه لأن اللي سوته معاي مب شوي
سلطان : عبود لا تتوقع اني افضلك في يوم أكثر عن أختي ولا تقول السالفه مرة وخلاص ادريبها ما بطوفها بهذي السهولة أكيد ناويه علي شي
عبد الله : هذي أختك واايد شايفه نفسها هي ليش تكرهني
سلطان : انت تدري زين انها ما تكرهك بس تكره تصرفاتك
عبدالله : واللحين
سلطان ،: أنا بخليها تسكر على السالفة بس والله يا عبدالله اذا سويت لها أي شي مب هي اللي بترد عليك هذيج الساعة انا لي تصرف معاك
خليفة: شباب يالله شو فيكم يالله تعالو خل نتفق على اللي بنسويه
سلطان: يالله اللحين بني ...... صدق انت تدري منو اللي بغيت تضارب معاه امس
عبدالله : منو بيكون يعني
سلطان ابتسم : أخو خليفة
وبعد ما ابتعد سلطان
عبد الله: والله لراويج يا عذبة
خليفه: انا بروح اشتري الماي
هزاع: يالله بسرعه
وطبعا الشباب لازم يضيعون أول نص ساعة من وقت المحاضرة بسبب اللهزاب اللي يحصلونه من الدكتور بسبب مقالبهم اللي ما تخلص
هزاع : يالله نروح ما بقى شي على المحاضرة
* * * في المحاضرة ** *
خليفة : شوفوا شوفوا بيحط أوراق الإمتحان على الكرسي مب هو اللي بيقعد
الدكتور: شو هذا منو اللي صاب ماي على الكرسي ....... ماشي غيركم قوموا وقفوا
سلطان: منو تقصد دكتور
الدكتور: قلت قوموا انتو عارفين عمركم زين اللحين من وين ايب لكم درجات الدرجات كلها انمسحت من الماي يعني لازم نعيد الإمتحان ..... هزاع وخليفة و منصور وسلطان وعبدالله تفضلوا من غير مطرود لين ثلاث محاضرات ما راح تدخلون
خليفة: هو كل ما صار شي تحطه علينا
الدكتور : قلت طلعوا
عبدالله: نحن بنطلع بس بنروح عند العميد وهو اللي برجعنا مرة ثانية
هزاع: دكتور الله يخليك مب كل مرة هذي السالفة أنت تطردنا والعميد يرجعنا لان ما عندك الدليل دكتور الوقت من ذهب يعني ليش نضيع وقت المحاضرة خلاص ما بقى شي على الإمتحانات
الدكتور: تعالو دخلوا بس بي اليوم اللي بقدر أثبت فيه
سلطان: ايوه
الدكتور:اعادة الإمتحان راح تكون الإسبوع الياي يوم الاربعاء
خليفة : والله أحسن أنا أكيد كنت راسب في الإمتحان لاني ما كنت مذاكر بالمرة
منصور : أنا بعد نفس الحالة
الدكتور: يالله هدوء خل نبدأ المحاضرة
* * * بيت بو سلطان عالساعة 6,5 * * *
سلطان : عذبوه بطلب طلب بس أخاف إنج ترديني
عذبة: ما عاش اللي يرد أخوي أطلب اللي تبيه
سلطان: خلاص سكري على سالفة عبدالله ولا تخبري أي أحد
عذبة : لاوالله كنت حاسه بتقولي هالكلام
سلطان: يعني بترديني
عذبة : لا بس سلطان أنت ليش كله ادافع عنه والله أنه ما يستاهل
سلطان: عذبه عبدالله ربيعي وولد عمي
عذبة: هذا ربيع هذا .... انزين واذا سواها مرة ثانية
سلطان : ان شاء الله ما بيسويها وأنا اليوم مكلمنه في الجامعه
عذبة : صدق وشو قال أكيد منقهر مني
سلطانك أكيد وقال انج وايد شايفه نفسج وقال انج تعاملينه غير
عذبة: كيفي
وعلى ثاني يوم وصلوا قوم عمهم وتمو قاعدين مع بعض وطول القعدة وعبد الله يطالع عذبة باحتقار وهي تقهره و تضحك
عذبة: سعود عاد خلاص ما بقى شي على على الامنتحان وانا ثانوية عامة وان شاءالله بيب نسبة ترفع الرأس وعاد انتظر الهدايا الحلوة
سعود: انشاء الله يا بنت العم انت بس يبي النسبة
سلطان: عذبوه عيب تطلبين هدايا
عذبة: لامب عيب عادي هذا ولد عمي صح سعود
سعود: سلطان خلها ع راحتها هي تطلب ونحن نفذ
عذبة: سعود متى عرسك بعدكم ما حددتو الموعد ؟؟؟؟
سعود: بعدنا
سلطان: والله اخاف انه حرمتك تغر من عذبة
عذبة : ليش عاد هي حرمتك وأنا بنت عمه
سعود: اللي يغار خل يغار نحن ما نخاف من حد صح
عذبة : صح
سعود كان أكبر عن عذبة بخمس سنوات وهو واايد يحبها لانها تذكره بأخته اللي ماتت و خاصة انها وااايد تشبهها عشان جذا طلباتها أوامر وحتى ابوه وامه واااايد يحبونها وما يحبون حد يزعلها لانهم يشوفون فيها بنتهم اللي ماتت وخاصة انها كانت البنت الوحيدة اللي اللله رزقهم فيها فكانت تحاول تعوضهم عنها
والحين شو تتوقعون عبدالله بيسوي لعذبة عشان ينتقم منه؟ا
وسلطان من صدجة يحب انجود؟
وهل سعود بيكون له تأثير بحياة عذبة؟
وهل انجود بتخبر اخوانها عن سلطان ؟